Үйлчилгээ
Бид өөрсдийн олон жилийн туршлагаа орчин үеийн технологийн шийдэлтэй уялдуулан Монгол у лсын түүчээ болсон салбаруудын хөгжилд геодези маркшейдерийн хэмжилт, зураглал, програм хангамж, багаж хэрэгсэл нийлүүлэхийн сацуу онол практикийн ололт амжилтаа түгээн хувь нэмэр оруулж буйдаа таатай байна.
Геодези, маркшейдерийн хэмжилт, зураглалын ажил нь бидний бизнесийн үндсэн чиглэл юм. Манай туршлагатай инженерүүд төслийн бүх шатанд нарийвчлал, найдвартай байдлыг ханган уул уурхай, барилга, зам гүүр, судалгаа шинжилгээ, болон инженерчлэлийн салбарт цэг тэмдэглэгээ, газар ба агаарын зураглал, мониторинг, батиметр, барилга байгууламжийн 3D загварчлал, гэрээт мэргэжилтэн бэлтгэн нийлүүлэх үйлчилгээнүүд үзүүлдэг. Нэмэлт мэдээллийг Best Survey цахим хуудсаас авна уу.
Бид таньд нарийвчлал болон үр бүтээмжийг сайжруулах дэлхийн шилдэг брэндүүдийн дэвшилтэт технологийг Geostella бизнесээрээ дамжуулан санал болгож байна. Манай бүтээгдэхүүний ангилалд GNSS хүлээн авагч, электрон тахеометр, лазер сканнер, дрон, төрөл бүрийн мэдрэгч, робот систем болон машины удирдлагын шийдлүүд багтдаг ба эдгээр нь таны хэрэгцээнд бүрэн нийцэхүйц, хамгийн өндөр гүйцэтгэл болон найдвартай байдлыг хангахаар зориулагдсан байдаг.
Манай олон жилийн туршлагатай баг хамт олон таньд онол, практикийн арвин туршлага, мэргэжлийн зөвлөгөөгөө хүргэж байна. Бид таны төслийн онцлогт нийцсэн шийдлүүдийг санал болгохын зэрэгцээ дэвшилтэт технологи, шинэ know how-д суурилсан байгууллагын сургалтууд зохио н байгуулдаг. Ингэснээр бид танай багийн ажлын гүйцэтгэлийг системчлэн сайжруулах урт хугацааны тасралтгүй өсөлт, хөгжлийн тань хөтөч байж чадна.